Драган Давидовски, претседател на општинскиот комитет на ВМРО Народна партија Тетово во пресрет на локалните избори на есен смета дека повторно е време да се направи заедничка листа на Македонците со кандидати за советници во Советот на Општина Тетово. Негова оценка е дека така Македонците ќе се заштитат од одредени политички процеси и структури.
-Лично мислам дека за Македонците е дојдено за заедничка листа на советниците да направат, затоа што е политички момент и политички случувања како нон-пејпери и слично е време Македонецот да се вразуми. Целта е Македонците да не ги преспијат значајни моменти во историјата и политиката,како војни и политички пазарања. Затоа е потребно формирање на еден заеднички македонски политички блок или координатовно тело на Западна Македонија. Пример сега Македонци речи и да нема на владејачки позиции, а вака нема да се дозволи тоа да се случи, вели Драган Давидовски во изјава за Тетово инфо.
За оваа идеја Давидовски веќе еднаш се залагаше пред 12 години.
-ВМРО Народна партија во 2009 не наиде на разбирање и компромис за заедничка листа од другите партии. Доколку и сега не биде прифатлива за останатите македонски партии и сите одат со свои листи тоа ќе го направи и ВМРО Народна партија. Веќе имаме двајца кандидати за носители на листи, а размислуваме и за две можности за кандидати за градоначалници. Јас не сум меѓу нив. Време е да се повлечам од претседателската функција и да бидам како како советник или аналитичар во општинскиот комитет. Веќе голем дел од работата е препуштена работата на останатите членови, вели Давидовски за Тетово инфо.
Давидовски беше советник во пет мандати во Советот на Општина Тетово.
