Во изминатите 24 часа Ковид центарот во тетовската клиничка болница бележи нов смртен случај кај пациентите што се на болничко лекување. Починат е пациент роден 1961 година.
-Починатиот пациент е со две хронични болести,а не бил вакциниран. За 24 часа во Ковид-центарот имаме десет прегледи,а има вкупно четири лица на болничко лекување, информираше д-р Хасан Илјази.
Според податоците на Институтот за јавно здравје досега во Тетово имало 13343 заболени од Ковид, додека активни се 94 случаи.
