Едно починато лице и две повредени се првичните информации за настрадани во тешка соообраќајна несреќа на автопатот Скопје-Тетово во близина на натпатникот за Требош која се случи попладнево околу 17 часот. Во сообраќајката учествувале три патнички и едно товарно возило, а според првичните искази на учесниците во сообраќајката, а пријавени во СВР Тетово имало и четврто возило за кое се тврди дека го напуштило местото.
-Во тек е увид на самото место на несреќата во која едно лице го загуби животот, а две се пренесени во Клиничка болница Тетово за укажување помош. На местото се полициски службеници, како и вработени на Тетовската територијална противпожарна единица која интервенираат на возилата и Итна медицинска помош. Се очекува во увидот да се вклучат и претставниците на тетовското Обвинителство, информира Марјан Јосифоски, портпарол на СВР Тетово.
Според првичните информации патничките возила се од марките пежо, опел и голф додека товарното возило е мерцедес. Поради несреќата, сообраќајот се одвива отежнато и само на една коловозна лента.
ас
