Движењето „Еко герила“ преку соопштение до јавноста порача дека остро го осудува физичкиот напад врз граѓанскиот активист и член на Движењето против коцкање што се случи на 12 јуни 2020 година во Тетово.
-Ние цениме дека казината и другите објекти за коцкање се морално и етичко загадување на околината во која живееме и дека необврзувањето на надлежните да дадат решение за овој проблем за кој граѓаните на Тетово неколкупати протестираа, создаде соодветна средина за напаѓање врз активисти, велат од Еко Герила.
Бараат институциите да реагираат сметајќи дека непостапувањето ќе значи провокација за граѓаните.
-Го повикуваме Јавното обвинителство да го гони сторителот според законот и да ја преземе заслужената казна за штетите направени на членот на Движењето против коцкање. Бидејќи оваа влада се покажа како толерантна кон мафијата за перење пари преку казината, новата влада мора да преземе конкретни и важни чекори за да ги отстрани објектите за коцкање што е можно подалеку од населените места. Веруваме дека граѓанската свест демонстрирана на протестите против овој феномен не треба да се провоцираа за да не стане модел на насилни протести, како во Америка. Како да не беше доволно да ги провоцирате граѓаните по повод Југохром и сега да продолжите со казината. На трпеливоста и доаѓа крајот, потенцираат од Еко Герила.
Претставници на Движењето Антикоцкање на прес-конференција на 13 јуни истакнаа дека ден претходно нивен член бил физички нападнат, како што тврдат поради активностите кои ги презема нивата граѓанска организација. Од Антикоцкање побараа институциите да реагираат соодветно.
А.С
