Прес конференција одржа координаторот на советничката група на СДСМ во Општина Тетово Живе Алексовски.
-Меѓу многуте проекти и рализации кои ги обезбеди Владата на Република Северна Македонија за Тетово во изминатиот период, овој пат преку соработката со ТАВ вредна 9,9 милиони евра повторно се најде нашиот град. Како врвен приоритет на Владата предводена од СДСМ и премиерот Зоран Заев се инвестициите во инфраструктурата и подобрување на условите за живот на локално ниво. Од предвидените инвестиции во 77 општини со 23 се веќе потпишани договорите меѓу кој е и договорот со општина Тетово, рече Алексовски.
Во рамките на оваа инвестиција е конечна реализација на булеварот Благоја Тоска.
-Владата ги обезбеди средствата за експропријација за куќите и објектите кои се наоѓаат на должината на предвидениот булевар. Процедурата е во своето финале, а со овој договор започнува комплетна изградба на предвидените делови како асвалтирање, тротоари и останати инфраструктурни инсталации. Оваа долгоочекувана инвестиција конечно ќе се реализира, а ќе значи како што им е познато на граѓаните големо растеретување на сообраќајот во нашиот град. СДСМ знае како и знае што е најдоброто за нашата општина, истакна координаторот на советничката група на СДСМ во Општина Тетово Живе Алексовски.
