Вчера (6 декември) околу 17 часот и 30 минути, на регионалниот пат Тетово-Јажинце, во Слатино, засега непознато возило удрило во 43-годишниот пешак И.А. од гостиварско Дебреше. Во несреќата пешакот задобил тешки телесни повреди од кои починал на местото. На местото на несреќата увид извршиле Јавен обвинител и екипа од СВР Тетово. Се преземаат мерки за пронаоѓање на возилото и за расчистување на случајот, информира СВР Тетово.
