Тетовската полиција информира дека 36 годишник од градот бил приведен откако добиле пријава за физички напад врз вработен во Клиничката болница. Приведениот, според СВР Тетово, агресивно се однесувал и кон полицајците.
-Десетина минути по полноќ, полициски службеници на СВР Тетово го лишиле од слобода 36-годишниот тетовец Г.М. , затоа што физички го нападнал В.А.(37) од тетовско село додека бил на работното место во тетовската Клиничка болница и агресивно се однесувал кон полициски службеници кои вршеле службени дејствија. Приведениот е задржан во Полициската станица Тетово и по целосно расчистување и документирање на случајот ќе му биде изготвен соодветен поднесок, информира Марјан Јосифоски, портпарол на СВР Тетово.
Полициски службеници на СВР Тетово вчера привеле 51 годишник од Ново село на автобуската станица во градот затоа што претходно со остар предмет му се заканил на човек од тетовско Добарце, по нивна претходна вербална расправија.
ас
