Женскиот фудбалски клуб Љуботен од Тетово е новиот лидер на прволигашката табела по денешната победа во рамки на седмото првенствено коло. Во Прилеп со 3-0 Љуботен ја совлада домашната екипа ЖФК Деспина, со головите на Марија Јолеидас, Татиане Мораес и Елена Симјонова.
Тетовскиот клуб сега е на првото место со најмногу 16 бодови од пет победи и еден нерешен резултат, со поен предност пред ЖФК СКопје 2014 и ЖФК Тиверија на второ и трето место.
-ЖФК Љуботен уште минатата година почна да носи нови засилувања со цел остварување на долгорочните планови за создавање на квалитетна екипа која ќе биде во врвот на табелата и ќе го го освои првенството, истануваат од раководството на тетовскиот клуб.
Во наредното коло ЖФК Љуботен повторно гостува, овој пат на ЖФК Борец во Велес.
