Во зимскиот преоден рок ЖФК Љуботен Тетово доведе прво засилување 23 годишната Присцила Едите Силва од Бразил. Се очекува во пролетната сезона да го засили нападот на тетовската екипа.
-Со ова засилување го почнуваме походот кон шампионската титула.Таа доаѓа од екипата на Форталеза, а досега настапувала за екипите Јувентус, Осаско и Бахиа. Во пролетниот дел ќе биде вистинско освежување во офанзивниот дел на нашиот тим. Со луцидната бразилка која има прекрасно минато во бразилското првенство добиваме на квалитет и искуство во нападот а се надеваме на многу голови и многу заеднички радосни моменти, велат од ЖФК Љуботен Тетово
Со Присцила е потпишан професионален договор на шест месеци плус една година. Таа е трета Бразилка во клубот, каде има и две фудбалерки од Србија и една од Венецуела.
