Заврши реконструкцијата на Центарот за вработување во Тетово што беше изведена во изминатите неколку месеци. Од четврток граѓаните услугите на центарот ќе ги добиваат во реконструираните простории. Сега ќе има и нов влез за корисниците како и шалтер-сала во која ќе се може да се добијат дел од услугите.
-За да се подобри функционалноста на овој објект беше потребна посветена работа и голема заложба бидејќи истиот не беше комплетно реконструиран од неговото основање. Сега Центарот за вработување во Тетово доби нова фасада на зградата, беше променета покривна конструкција, прозорците со што се зголеми енергетската ефикасност на целиот објект. Набавен е котел за палети кој значително ќе ги намали трошоците за греење на објектот кој досега се грееше на струја. Реновирани се водоводнтаа и канализациска мрежа. Финансиски сето ова е поддржано од ЕУ преку проектот „ЕУ за млади“, изјави Фатмир Сабриу, шеф на Кабинетот на Агенцијата за вработување на Северна Македонија.
Проектот за модернизација, санација, адаптација чини 18.610.087 денари.
-Центарот за вработување денес има нов модерен лик, а што е најважно зголемена е неговата функционалност од која директен бенефит ќе имаат невработени лица, работодавачи и вработени во Центарот. Со оваа реконструкција невработените лица и работодавачите, услугите за намалување на невработеноста и зголемување на вработливоста во Тетово можат да ги добијат на место кое е функционално и реновирано согласно стандардите за животната средина и намалување на ефектите од аерозагадувањето. Вработените во нашиот центар сега имаат причина да бидат уште помотивирани во своето работење бидејќи просториите и условите во кои сега работат се драстично подобрени. Верувам дека нивното задоволство од работната средина ќе се преслика во ентузијастички попрофесионален однос кон корисниците, изјави Арменд Салихи директор на Центарот.
Направена е и реорганизација на работата во самиот Центар и кај вработените. Таблата за истакнување огласи ќе биде кај новиот влез.
На новинарско прашање зошто беше потребно да се исече дрво во дворот од Центарот шефот на кабинетот Фатмир Сабриу одговори дека сега ќе има уште повеќе.
-Ние навистина сакаме да овој објект да се гледа и од надвор дека навистина е сработено. Ние засадивме многу повеќе дрвја, се надевам дека и во другиот дел од градот ќе има уште многу вакви убави работи во секоја државна институција, рече Сабриу.
Невработени во полошкиот плански регион се 24,8 % од населението, а само во Центарот за вработување Тетово до 6 декември 18.500 лица евидентирани се како невработени.
ас
