Премиерот Зоран Заев истакна верување дека еден од поголемите инфраструктурни зафати во Тетово, пробивање на булеварот Благоја Тоска во 2021 година конечно ќе биде реализиран. Тој во Тетово денес беше на отворањето на новите простории на Државниот пазарен инспекторат.
-Конечно е завршена административната постапка со 29.500.000 денари дадени од Влада, да се плати експропријацијата. Второто се 45/46 милиони денари за реализација на патот од парите на ТАВ. За сите пари општината мора извештај да достави до Владата за средствата кои мора да бидат оправдани. 2021 година верувам дека булеварот ќе биде изграден. Нема потреба од тендер, сега ТАВ инженеринг директно ги реализира зафатите со свои подизведувачи и тука ќе се заштеди време. Од февруари-март може да почне се гради, истакна Заев.
Од средствата за карго аеродором на ТАВ во Штип, кои беа пренасочени во сите општините, за Тетово покрај булеварот, треба да се реконструира гимназијата и уште неколку други помали проекти.
А.С
