Оружен грабеж се случил денес претпладне во подрачен објект на поштата во тетовска Мала Речица. Две лица го извршиле грабежот, за кој засега нема информации колку пари се одземени.
-Денеска околу 10 часот и 15 минути во СВР Тетово, вработен во „Пошта на Северна Македонијa“ пријавил дека во експозитура во тетовска Мала Речица две лица со закана со огнено оружје одзеле пари. Увид извршила екипа од Секторот за внатрешни работи Тетово, информираа Марјан Јосифоски, портпарол на СВР Тетово.
По увидот ќе почнат и други мерки за расчитување и документирање на случајот. Според неофицијално извори одземени се над 120 илјади денари.
