Во Тетово денес започна да се одржува првата регионална панел-дискусија за Оперативниот план за вработување за 2020 година што го спроведува Агенцијата за вработување преку голем број мерки за зголемување на вработеноста. На овие средби за креирање на националните политики, стратегии и планови покрај државните институции ќе учествуваат граѓанските организации и бизнис-заедницата на локално ниво.
-Од минатата година се покажа дека сите мерки кои се креирани заедно со локалните самоуправи со стопански комори на локално ниво даваат поголеми резултати и тоа потекна како иницијатива од Струмица минатата година има 100 отсто реализација на таа мерка која тие ја побараа. И токму затоа оваа година одиме со подготовка на оперативниот план на локално ниво или во реална консулатација со бизнис секторот за да видиме кои се нивните потреби за нови вработувања каде треба да инвестира државата преку оперативниот план и на тој начин да создеме повработливи граѓани кои понатаму ќе бидат понудени на бизнис секторот или ако има одредени специфики бизнис секторот да адаптираме некои мерки кои ќе се однесуваат на компанииите во овој регион,рече Мила Царовска министерка за труд и социјална политика.
-Ние како Стопанска комора на Северозападна Македонија имаме недостаток на вработени посебно на квалификуван кадар и затоа и ќе дадеме свои анализи како да се спроведе планот, рече Касам Зендели од комората.
До септември 2019 при спроведување на годинешниот оперативен план реализирани средства во висина од 1 милијарда и 100 милиони денари.
-Во овој регион досега над 1000 лица се вклучени, од кои во практиканството околу 400 лица, околу 170 лица во самовработување, околу 130 лица во обуки преквалификации и доквалификации и во сите останати мерки кои се предвидени во оперативниот план. Во тек има јавни повици за други обуки кои се актуелни и атрактивни, како ИТ обуки за млади до 34 години каде може се уште да аплицираат,изјави Билјана Јовановска, директорка на Агенцијата за вработување.
Министерката Царовска истака дека се чека ребаланс на буџетот со што ќе има дополнување на финансиските средства и продолжува реализиацијата на мерките за самовработување, субвенционирање и други.
