Јавниот градски автобус превоз во Тетово започна да се одвива денес со промотивно возење на една од линиите. Претставници од Советот и јавни претријатија и новинарски екипи со автобус на „Тетово Транспорт“ ја поминаа делница од автобуската станица, преку булеварите „Видое Смилевски-Бато“ и „Маршал Тито“ и „Илинденска“ се до Универзитетот на Југоисточна Европа и назад.
Возењето започна околу 9 часот и 30 минути. Во тој дел од денот автобусот веднаш се соочи со сообраќаен метеж прво кај пазарот, а потоа и на булеварот „Илинденска“ каде мораше да се вози полека во колона и во прва брзина. Од автобуската станица до Универзитетот автобусот мораше да застане на четири пати поради неправилно паркирани возила поради кои не можеше да го продолжи патот. Од автобуската станица до плоштадот му требаа 7 минути и 59 секунди. Од Универзитетот па назад до автобуската станица му требаа 22 минути со едно застанување на автобуска постојка кај Шарена џамија.
-Завршува голем проект со јавен превоз во градот Тетово, една долга приказна заврши како успешна мисија. Заслуга е на градоначалничката, советниците од Советот, администрацијата и Министерството за финансии. Голем ден е денес за Тетово, сите граѓаните да се возат со градските автобуси со цел да имаме помалку метеж во сообраќајот и така да ги чуваме автобусите, изјави претседателот на Советот Беким Мемети.
Директорот на општинското претријатие „Тетово Транспорт“, Дарко Спировски објасни дека досега се работело на административни, технички и оперативно аспекти со цел да се воспатават линии, да се расчистат патишта со цел движење на автобусите.
-Ќе имаме соработка со полицијата да се обезбедат реални услови автобусите да се движат регуларно и за определениот рок да стигаат од станица до станица. Во наредните 10 дена ќе има период на прилгодување на нас кон граѓани и од граѓаните кон користењето на автобусите. Воедно сметам дека ќе се подигне свест на возачите да не паркираат возила пред автобуски постојки. Првите 10 дена ќе промотивен период и беспатно ќе може да се користат услугите, изјави Спировски.
На новинарските забелешки дека изостануваат известувања до граѓаните преку информативни гласила директорот рече дека сето тоа ќе биде овозможено во наредниот период.
-Ќе се изработат информативни табли на сеокја станица каде ќе се знае во колку часот треба да дојде автобус и колку пати во тек на ден. На секој станица ќе има електронска информативна табла да граѓаните точно знаат каде се наоѓа автобусот кој нареден треба да додје и во кој правец ќе се движат. За почеток ќе има хартиени билети, во дуќани ќе може да се купуваат, на скоро исте можни продажни места да се можат да се најдат. Треба да се изработи веб страница и да се плаќа за билетите електронски преку интернет, рече Спировски.
Претставниците на општината посочија дека ќе се следат мерките и протоколите кои се препорачани и наложени од здравствените институции при користење на градскиот превоз.
-Секој кој влегува треба да има маска и да држи дистанца. Има дезинфекција во автобусите, а се внимава и на капацитетот, рече Спировски.
Еден билет за едно возење е 20 денари. Предвидени се повеќе категории на билети за групи на граѓани,а ќе има и месечни и годишни карти.
А.С
