Сообраќајните полицајци на подрачјето на Тетово и Гостивар во текот на вчерашниот ден спровеле акциска контрола за прекршоци што ги прават мотоциклисти при што вкупно биле откриени и санкционорани 43 прекршоци. Од нив 34 се во тетовскиот, а девет на гостиварското подрачје.
-Најголемиот број од прекршоците 19 се однесувале на некористење на заштитна опрема, односно кацига од кои во Тетовско се 13 и шест во Гостиварско, на управување без положен возачки испит и валидна дозвола за тоа-пет во Тетовсо и две во Гостивар, додека четворица тетовски мотоциклисти непоседувале соодветни полиси за осигурување, информираше портпатолот на СВР Тетово, Марјан Јосифоски.
При контролата, исто така, санкционирани се и 15 други видови сообраќајни прекршоци.
-Инаку, минатата и оваа недела на поширокото полошко подрачје изречени се над 150 мерки на мотоциклисти, претежно за некористење на заштитни кациги и управување без дозволи.Зајакнатите контроли ќе подолжат и во наредниот период со потсетување дека за некористење опрема паричната глоба изнесува 50 евра, а за непоседување возачка дозвола 250 евра во денарска противвредност, без разлика за каков мотоцикл станува збор, информира Јосифоски.
Оние мотоцикли со истечена регистрација повеќе од шест месеци времено ќе се одземаат, а на нивните сопственици ќе им се изготват поднесоци и нив ќе ги очекува глоба од 500 евра во денарска противвредност.
