32 различни видови на прекршоци биле откриени во текот на вчерашниот ден во рамки на најавените засилени сообраќајно – контролни активности на тетовското подрачје. Прекршоците биле заокружени со 10 прекршочни и 16 мандатни платни налози, како и со 6 писмени предупредувања, изјави портпаролот на СВР Тетово Марјан Јосифовски.
16 возила биле подигнати од тетовската „пајак-служба“ поради непрописно паркирање, што воедно е и најчестиот прекршок што бил откриен во текот на вчерашниот ден.
Од тетовската полиција информираат дека поради значително зголемената фрекфенција на возила продолжуваат со засилени сообраќајно – контролни активности на сите патишта на подрачјето, како и на тетовските и гостиварските улици.
Јована Костеска
