Три угостителски објекти во Тетово и селото Пирок при општина Боговиње се затворени попладнево поради тоа што работеле и ги непочитување на мерките на Владата за спречување на ширењето на коронавирусот, инфомираат од тетовската полиција.
-Во периодот од 12 до 15 часот и 30 миниту полициски службеници во содејство со инспектори на Државен пазарен инспекторат (ДПИ) извршиле контрола и времено затвориле угостителски објект на улица Браќа Миладинови во Тетово сопственост на 47 годишник од градот. Исто така затворени се уште две кафетерии во селото Пирок, општина Боговиње поради непочитување на владините одлуки, мерки и препораки во насока на спречување на ширење на коронавирусот, информира денес Марјан Јосифоски, портпарол на СВР Тетово.
Сопствениците на угостителските објекти ќе се соочат со превидените законски санкции. Од СВР Тетово апелираат до придржување на одлуките на Владата. Потенцираат дека продолжуваат самостојните контроли како и заедничките акции со ДПИ во насока на тоа дали се почитуваат препораките на надлежните институции.
А.С
