Поради силен ветер и снег е завеан патот во населбата со викендички во Попова Шапка во текот минатата ноќ. Сопственици на викендички велат дека се затекнати од ситуацијата и има семејстава и посетители кои сега поради сотојбата не можат да излезат од своите домови. Очекуваат надлежните да го исчистат патот.
-Околу полноќ започнаа интензивни врнежи од снег но и силен ветер. За половина час снема и струја. Патот целосно беше завеан и затрупан со снег. Од Општина Тетово како надлежни за населбата започнаа да расчистуваат околу денес околу 11/11.30 часот. Сметам дека да дојдеа побргу до сега ќе беше расчистено, вака останува до вечер да се отстрани снегот од улицата, која води низ населбата, изјави вели Хавзи Ризвани, претседател на месната заедница и здружение на граѓани сопственици на викендички на Попова Шапка.
Во текот на денот е нормализирано снабдувањето со електрична енергија. Според проценките на здружението од околу 650 викендички во половината викендов имало луѓе кои престојувале.
А.С
