Министерот Благој Бочварски од Тетово порача дека градоначалниците имаат големи можности за добивање средства преку Министерството за транспорт и врски за реконструкција и градење на нови патишта. Оваа порака е одговор на новинарското прашање дали ќе се работи на проектот за селото Луковица во Општина Желино, единственио населено место во тетовскиот регион до каде нема асфалтиран пат.
-Ги повикувам сите градоначалници да аплицираат, имаме повик за ваков тип на
проекти да ги искористат, со квалитетни проекти да ги одобриме и да влеземе во реализиација. Морам да напоменам дека сум задоволен од реализацијата на овој проект за поврзување со локални патишта гледам дека грапднначалниците се капацитетни и нудат голем број на проекти што е важно дека се борат за своите граѓани за своите проекти и за да ги добијат средствата, истакна Бочварски од Тетово каде беше на увид на реконструкцијата на улиа „Гоце Делчев“.
Тој посочи дека со 70 милиони евра се работи на реконструкција и нови патишта во сите општини.
-Примарен фокус на оваа Влада е регионално поврзување преку модернизација и нови патишта но и поради побрз локален развој на општините. Даваме посебен придонес за рехабилитација на локални улици за поквалитетен живот на граѓаните. Нашите заложби за рамномерени регионален развој ги темелиме на принципот на еднаковст и веруваме дека тој начин и само тој начин, рече Бочварски.
А.С
