На територијата на цела Македонија вчера полицијата спроведе акциска контрола за непрописно престигнување при што се санкционирани вкупно 188 возачи. Од нив, нешто повеќе од една третина или 69 казни се евидентирани на тетовско-гостиварското подрачје.
-Вчера во периодот од 14 до 20 часот, на подрачјето на СВР Тетово спроведена e засилена акциска контрола за санкционирање на возачи кои непрописно престигнуваат, при што санкционирани се 69 возачи од кои 36 на територија на Тетово, а 33 на територија на Гостивар. Потсетуваме дека за престигнување на полна линија на непрегледно место во колона или на мост следи парична казна 250 евра и заштитна мерка времено одземање на возачката дозвола во зависност од прекршокот од три месеци до 12 месеци, за што одлучува судот. Засилените сообраќајни контроли ќе продолжат и во наредните денови, информира Марјан Јосифоски, портпарол на СВР Тетово.
Министерството за внатрешни работи повторно апелира до граѓаните да ги почитуваат сообраќајните правила и прописи за да се зголеми безбедноста во сообраќајот и да се придонесе за посигурни патишта.
А.С
