Месната заедница од Лешок постави грпки на главната улица која води манастрискиот комплекс „Свети Атанасиј“ со цел да да се зголеми безбедноста на пешаците како и поради честите пример на возење на посетителите со брзина поголема од дозволената за движење низ населено место. Поставени се пет грпки (познати како лежечки полицајци) на потегот од влезот во селото до манастирскиот комплекс со должина од 1500 метри.
-Лешок како духовен културен и здравствен центар не само за Полог туку и за цела Македонија е многу посетуван од голем број на луѓе и возила.Заради безбедноста на нашите жители а пред се на нашите деца сметаме дека со поставување на лежечките полицајци ќе придонесеме за решавање на овој реален проблем. Благодарност до Фондацијата Спироски за донацијата на пет лежечки полицајци кои што ги поставивме на главната улица што минува низ Лешок, инфомира Јовица Попоски, претседател на месната заедница во Лешок.
Воедно месната заедница информира дека со средства обезбедени од жителите на селото санирано е уличното осветлување.
А.С
