Полициски службеници на СВР Тетово денеска (11 февруари) од 8 до 12часот, спровеле акциска контрола на возачи кои не им даваат предност, односно првенство на пешаците во сообраќајот.При контролата, која на ова подрачје континуирано се реализира минатиот и овој месец, откриени и санкционирани се вкупно 20 прекршоци (ТЕ-13 и ГВ-7).
-На сите возачи-прекршители изготвени им се законски предвидените поднесоци.Откриени и санкционирани, исто така, биле и 15 други видови сообраќајни прекршоци (ТЕ).Контролите и натаму ќе продолжат, а на возачите СВР Тетово повторно им укажува да бидат максимално внимателни кон пешаците и задолжително да ги пропуштаат, посебно кога се наоѓаат пред и на пешачки премини.Во спротивно, ќе се соочат со поднесоци и со парична глоба која за овој вид прекршок изнесува 250 евра во денарска противвредност.
