За шест часа полициска контрола на сообраќајот на тетовскоот подрачје изречени се 70 мерки за пречекорување на максимално дозволената брзина надвор од населено место. Спроведена е акциска контрола за брзина од 11 до 17 часот.
-Од 70 мерките, 4 мерки се однесувале за пречекорувања поголеми од 70 километри на час, а 34 за пречекорувања од 50 до 70 километри. Покрај ова, билa изреченa и 39 мерки и за пречекорувања на максимално дозволената брзина во населено место. Една од изречените мерки била за пречекорување за над 50 километри на час. При контролата санкционирани се и 5 други видови прекршоци, информира Марјан Јосифоски, портпарол на СВР Тетово.
Контролите продолжиле ноќта на автопатот Тетово-Гостивар со употреба на таканачениот „ноќен радар“ од 20 до 23 часот, исто така, за брзина.
-Во близина на клучката за тетовско Камењане, полициски службеници од тетовската Полициска станица за безбедност на патниот сообраќај. Откриени и законски санкционирани биле 19 возачи, од кои девет ја пречекориле брзината за над 70, а десет од 50 до 70 километри на час, информира Јосифоски.
На сите прекршители изготвени им се соодветни поднесоци и ќе се соочат со законски предвидените санкции.
А.С
