Во рамки на засилените контроли Полициска станица за безбедност на патниот сообраќај Тетово овој месец заклучно со вчера 17 декември има преземено над 270 мерки кои се однесувале на непрописно паркирање, најмногу во централното подрачје. Биле санкционирани и подигнати 93 возила кои го попречувале нормалното и безбедно движење на другите учесници во сообраќајот.
-На сите прекршители изготвени им се соодветни поднесоци во зависност од видот, местото и карактерот на направениот прекршок. Прекршителите, зависно од тоа, ќе се соочат со парични глоби од 45 до 180 евра во денарска противвредност, а сопствениците на подигнатите возила од „пајак-службата“ ќе треба да платат и посебен паричен надоместок за подигнувањето и транспортирањето, информира Марјан Јосифоски, портпарол на СВР Тетово.
Портпаролот на тетовската полиција истакна дека ваквите активности ќе продолжат и во наредниот период, со оглед дека до крајот на месецот и во првата половина на идниот можно е доаѓање на времено вработени од странство, со што ќе се зголеми вкупната фрекфренција по тетовските улици, како и по околните регионални и локални патишта.
А.С
