Пожар изби околу 21 часот во модуларната болница во Тетово, по што започна и гаснењето на огнот и спасување на пациентите сместени во собите со дијагностициран Ковид-19. Пожарникари, полицајци и вработените во болницата учествуваа во гаснењето на пожарот и вадењето на на луѓето надвор од објектот. Од она што како новинари го забележавме на самото место е дека голем број од пациентите го изгубија животот во пожарот. Многу изгорени тела беа извдадени од внатрешноста на објектот.
Државниот владин врв предводен од премиерот Зоран Заев дојде во Тетово но пред новинарите не дадоа изјави, потенцирајќи дека за точната бројка на загинати и повредени ќе има информација откако ќе се завршат сите процедури за увид и истрага на службите.
