Тетовската градоначалничка Теута Арифи беше во посета на митрополитот тетовско-гостиврски г. Јосиф за да го информира дека е завршена изградбата на капелата за православните гробишта во Тетово. Сепак за да почне да функционира се уште треба да се извршат процедури.
– Инвеститорот е општина Тетово, капелата се градеше со општински средства во висина од 9 милиони денари и спремаме одлука на совет со што ќе ја дадеме капелата на ЈКП кои моментално ги имаат обврските околу погребалните услуги. Тие ќе бидат одговорни за ставање во функција на истата, рече Арифи.
-Да се заблагодарам како инвеститор на општина Тетово. Ова е важно прашање и решен проблем, за општо добро на сите граѓани во Тетово, истакна владиката Јосиф.
На новинарско прашање што ќе се прави со пристапот до капелата односно руинираната улица Гоце Делчев, градоначалничката со одговор дека ќе се работи на целосна обнова на таа делница.
-На владината седница што се одржа во Тетово ние информиравме дека во нивниот повик за средства од Светска банка доделени преку Министерството за транспорт и врски општина Тетово е пријавена со три проекти кои се комплетирани со дозвола за градба и таму е улица Гоце Делчев и подразбира комплетна рехабилитација, рече Арифи.
За втората локација кај Фалише каде има православни гробишта под надлежност на јавното комунално претријатие допрвин ќе се наоѓаат средства.
-ЈКП го има како обврска, нивна работа и делокруг е таа локација. Секако после оваа инвестиција и таму ќе буџетираме за да биде завршено, рече градоначалничката.
– Доколу има иницијатива за објект и црква би ја поддржал таа иницијатива. Заедно со општината и со ЈКП сепак тоа не е наш имот и тоа е на општината, рече владиката г. Јосиф.
