Mагистралниот гасовод Скопје-Тетово-Гостивар од 78 километри има 70 проценти на реализација во градбата, истакнаа претставниците на министерствата од денешниот увид во изградбата на трасата на гасоводот во Тетово, во близина на селото Фалише. Бајрам Реџепи, директор на Национални Енергетски Ресурси (НЕР) очекува до крај на 2020 да гасодовод да биде пуштен во употреба.
-Тука се гради главна мерна регулациона станица кај Фалише која ќе биде со капацитет од 22 илјади метри кубни гас на час или на годишно 192 милиони што ќе биде доволно за целиот полошки регион. Ова е дел од ЛОТ 5 почнува од Скопје завршува Гостивар од вкупна должина од 78 километри плус крак Тетово 10 километри. Ова е на ниво на 60 посто книжна реализација, реалната уште поголема бидејчи има 70 посто реализација, очекувам да биде завршена оваа делница во прва половина од наредната година. По што ќе се следат други испитување на комфор стандарди за градење така што при крај на наредна година оваа делница ќе биде пуштена во употреба и ќе може да опслужиме со нашите улсуги за пренос на нашиот преносен систем, рече Реџепи.
Општина Тетово е во тек и работи на документација за изведба на секундарна мрежа низ градот, рече градоначалничката.
– За сите граѓани за целиот полошки плански регион важно е приближувањето со гасоводот до границите на општина Тетово. Ова е голема можност за семејните економии и за намалување на пробелемите со загадувањето. Темпото е брзо и ни дава обрвска побрзо да работиме. Тетово заврши идеен проект за 20 километри дисперзивна дистрибутивна мрежа за општината и при крај сме со техничкиот проект за 10 километри дистрибутивна мрежа до јавните објекти, изјави Теута Арифи.
Министерот за транспорт и врски Горан Сугарески потенцира дека со ова се реализира еден од врвните приоритети на Владата за изградба на гасовод.
-Ќе значи бенефит и за општините и за граѓаните кои се клучни во добивање на оваа мерка. Сакам да потенцирам, јас минатата година со колегите министри, рековме дека ќе има силна динамика и тоа се случи. Ако гледам технички и финансики имаме одлична реализацијата и резултати. Ако гледаме и во тој дел од капиталните инвестиции со ноемвриската ситуација која очекуваме да дојде во Министерството ќе имаме преку 90 проценти на реализација,рече Сугарески.
Претставниците на Владата информираа дека во план е наредна година да почне гасоводна делница од Гостивар до Кичево со средства од ЕБРД.
-Гасовод до Тетово може да функционира поединечно имаме блок станици поставено секаде. До 2023 очекуваме да се догради целиот прстен преку Кичеви и Охрид до Битола што е важно за стабилност на системот, рече Бајрам Реџепи.
А.С
