Министерот за внатрешни работи Оливер Спасовски денес посети два објекти на Министерството по повод изградбата на едниот и реновирање на вториот. Тој го промовираше новиот објект на полициското одделение Камењане, а увиде какви работи се направени во реновираниот објект на Полициската станица за безбедност во патниот сообраќај – Тетово.
-Многу сум горд и задоволен сум што првиот ден од 2020 година го поминав со колегите од СВР Тетово. Објектот за полициското одделение во Камењане е целосно ново изградено со целата инфраструктура за добри услови за работа на македонските полицајци и исто за поголема безбедност во општина Боговиње. Еден дел од овој објект за полициска станица за безбедност во патниот сообраќај во Тетово е реновиран. По празниците продолжуваме со другите работи како воведување на целосно парно греење и промена на сите внатрешни врати. 40 години овој објект не беше реконструиран, изјави министерот Спасовски.
Освен со средства од буџетот на двата објекти се работло и со помош на донации на приватни компании.
-Двата објекти во одделението во Камењане и оваа станица се реконструирани со средства од МВР и со помош на граѓаните од Тетово и општина Боговиње со компании кои имаат општествена одговорност. Кои сакаат да помогнат и да вложат, а кога се вложува во македонската полиција се вложува и во безбедноста и иднината на државата, рече Спасовски.
Тој на претставниците на компаниите им додели благодарници.
А.С
