На подрачјето на тетовскиот регион двата изминати дена 29 и 30 април од страна на полициски службеници изречени се 80-тина предупредувања за неносење задолжителна заштитна опрема, информираше денес портпаролот на СВР Тетово, Марјан Јосифоски. Од вкупниот број, 31 лице добиле и писмено предупредување.
-Во периодот од 30 април до 1 мај поради „непостапување според здравствени прописи за време на епидемија“ согласно член 206 од Кривичниот законик пријави по разни основи на прекршување има за 5 лица, потенцира Јосифоски.
СВР Тетово регистрирани нови 14 лица кои добиле решенија за изолација дома од Државен здравствен и санитарен инспекторат со што вкупнои се контролирани 115 лица. Нема нови луѓе кои потпишале изјави за самоизолација дома, со што бројката останува 41. Во државен карантин на 14 дена во хотелите на Попова Шапка пристигнале уште 12 лица или вкупно 119 луѓе.
Министерството за здравство денес информираше дека во Тетово се бележат два нови случаи на заболени со Ковид-19, со што вкупната бројка во регионот е 86 лица.
Министерството за здравство информира дека денеска Институтот за јавно здравје регистрира 69 оздравени пациенти во: Скопје-18, Куманово-36, Дебар-1, Штип-1, Велес-10, Гевгелија -1.
Во изминатите 24 часа направени се 362 тестирања, а потврдени се 29 нови случаи на ковид-19, вкупнп 1494, бројката на оздравени пациенти е 807 , на починати е 81, а во моментов бројот на активни случаи во земјата изнесува 606.
А.С
