Прес конференција одржа претседателот на СДСМ Тетово Илија Димитриевски, на која се осврна за оспособување на поранешниот Дом на АРМ како управна зграда на Музејот на тетовски крај.
-Владата на СДСМ овој објект, објектот на поранешниот Дом на АРМ во Тетово пред неколку месеци го додели на Националната установа Музеј на Град Тетово. Објектот ќе се користи како управна зграда на Музејот и како мултимедијален центар. Во тек се подготовките за оспособување на објектот за намената за која е доделен. Се реновираат внатрешните простории во објектот, и се изнаоѓаат начини за поддршка на реализацијата на изготвениот проект за реконструкција, изјави Димитриевски.
Тој истакна дека СДСМ постојано работи на детектирање и решавање на проблемите на граѓаните.
-Конечно, за првпат по своето формирање, Музејот на Град Тетово ќе има достоен објект за своите управни простории, а граѓаните ќе добијат и еден нов мултимедијален и културен центар во центарот на градот. Овој и многу други проекти за Тетово го покажуваат на дело односот на Владата на СДСМ кон нашиот град. СДСМ ги слуша своите граѓани, во Тетово денес се решаваат проблеми кои не би решени со децении. Продолжуваме и понатаму, посветено да работиме во интерес на граѓаните, рече Димитриевски.
