Кандидатот за градоначалник од СДСМ Хамдија Елезовиќ, носителот на советничката листа Илија Димитриевски и другите кандидати за советници и денес оствaрија неколку средби со граѓани со цел да ја претстават програмата „Најдоброто за мојата општина“. Посетени беа домовите на граѓаните во Блок 70, угостители, занаетчии и дуќанџии, а остварени и средби со претриемачи и невладиниот сектор.
-Tетово како град, изгуби премногу време и премногу време во развојот. Овој град заслужува да биде место, каде се гради личната среќа на голем број семејства. Тетово мора да биде град кој ќе биде препознатлив по својот автентичен идентитет. Ова опфаќа мораториум за висококатници во стариот дел на Тетово и посебна грижа за стариот дел на градот, посочува Илија Димитриевски, носител на листата.
Тој потсетува дека со помош на Владата, македонската економија е стабилна, државата е тука за општините, за народот, за секој човек.
-Идната локална самоуправа мора да има слух за граѓанските здруженија, особено оние кои делуваат во областа на социјалата и се продолжена рака на работата на општината во грижата за маргинализираните групи на граѓани, вели Илија Димитриевски.