Три пожари се бележат изминативе 24 часа на подрачјето кое го покрива тетовската пожарна. Од таму велат дека и понатаму периодов најчести се пожарите на неисчистени оџаци или вентилациони системи.
-Првиот пожар вчера наутро беше во куќа во Непроштено поради неисчистен оџак. За среќа оштетена е само покуќнината во внатрешноста без поголема штета. Околу 21 часот беше интервенирно во занаетчиски дуќан на улицата „Борче Кочовски“ во Тетово. Во 22 часот, пожар се гасеше на возило „пежо 206“ во населбата Поток, информира Ука Алити, командант на тетовската пожарна.
Иако постојано се апелира сепак најчесто овој зимски период има пожари во неисчистени оџаци.
-Најзагрижувачки од досегашното искуството се повеќекатните згради каде најтешко се работи на интервенција. Воедно најбрзо може да се рашири огнот. Сме имале негативно искуство и во новите згради каде имаат само една цевка за вентилационите системи кои служат за отстранување на пареа од купатилата или чад од кујните. Во еден стан се има запалено приклучокот па се запали главната и единствена вентилациона цевка, вели Алити.
Во сите три пожари изминатиот ден како и од почетокот на годината за среќа нема повредени лица.
А.С
