Жителите на Урвич при општина Боговиње потсетуваат дека и во нивното село се очекува нов цевковод за водоснабдување, процес кој се уште не е започнат, а договорен со општината и Владата во текот на август. Реакцијата доаѓа откако вчера се реализираше се пушти во употреба нов цевковод за Синичане, по несогласувањата на двете села во текот на летото околу користење на извори со вода во планиската месност „Буновец“.
-Нас ни е ветено дека ќе има спроведување на 4200 метри цевки. Тоа ние е потребно бидејќи водоводот е стар 30 години и водата се губи поради пукнати цевки. Очекуваме договорено дека ќе се реализира, а тоа е ископот и слично да биде од општината, а Владата да плати за цевките, изјави Локман Таири, претставник на месната заедница во Урвич.
Градоначалникот на Општина Боговиње Албон Џемаили вели дека ќе се реализира ветеното.
-Селото Урвич има свои барања како сите населени места. Преку Влада ќе добиеме цевки, а ние како општина ќе работиме на копање и другите пропратни елементи. Ќе добиват нова мрежа за снабдување со вода. Во другите села моментално се работи во Пирок и почнуваат работите во Камењане и на пролет во Палчиште. Парите се обезбедени, остануваат технички процедури и ќе биде се како што треба, истакна Џемаили.
Откако се јавија несогласувања помеѓу Синичане и Урвич за користење на вода од изворите во месноста „Буновец“ сите засегнати страни преговараа заедно со Владата.
А.С
