Полициски службеници на СВР Тетово денеска (27 јануари) од 14 до 17 часот, презеле вкупно 26 мерки (ТЕ-22 и ГВ-4) против возачи кои не им дале предност, односно првенство на пешаци. Возачите добиле казни од 200 или 250 евра во зависност од прекршокот.
-Осумнаесет од мерките (ТЕ-14 и ГВ-4) се однесувале на пешаци кои почнале да преминуваат, а 8 (ТЕ) кои преминувале на обележани пешачки премини.Во рамките на овие активности биле откриени и санкционирани и 7 други видови сообраќајни прекршоци (ТЕ-6 и ГВ-1), кои биле заокружени со соодветни поднесоци и кои ќе се соочат со законски предвидените парични глоби, информира Марјан Јосифоски, портпарол на СВР Тетово.
СВР Тетово и во наредниот период ќе продолжи со вакви и слични активности и повторно апелира до возачите секогаш да ги пропуштаат пешаците, а пешаците каде и како ги преминуваат улиците и целосно да ја почитуваат постоечката светлосна и друга сигнализација.
