Ноќеска 4/5 декември 2021 година, полициски службеници на СВР Тетово спроведоа акциска контрола на возачи, дали и колку од нив ги управуваат возилата под дејство на алкохол.
Во контролата биле откриени и санкционирани вкупно 29 „алкохолизирани“ возачи (ТЕ-23 и ГВ-6).Двајца од санкционираните возачи (ТЕ) имале алкохол во крвта до 2 промили.
-Сите возачи-прекршители веднаш се исклучени од сообраќај, изготвени им се законски предвидените поднесоци и ќе се соочат со парични глоби, кои за овој вид прекршок се движат од 225 до 325 евра во денарска противвредност, а двајца возачи кои одбиле алкотестирање (ТЕ) со глоба од 500 евра, информира Марјан Јосифоски, портпарол на СВР Тетово.
Покрај тоа, на сите им претстои и мерка времено одземање на возачките дозволи од 3 до 12 месеци.
СВР Тетово апелира до возачите да не седнуваат зад волан под дејство на алкохол и да ја доведуваат во ризик сопствената и безбедноста на другите учесници во сообраќајот, а и во наредниот период планира вакви контролни активности, кои треба да придонесат за поголема сообраќајна безбедност на патиштата на тетовско-гостиварското подрачје.
