Центарот за човекови права од Тетово преку симболичната кампања „8 жени за 8-ми Март“ промовираше осум жени и девојки кои придонеле многу на различни полиња за благосостојбата и подигањето на позицијата на жените во општеството. Тие потенцираат дека жените/девојките се главниот столб на секое општество кои умеат да го дадат највредниот придонес во општеството на најелегантен начин и секогаш со љубов.
-Осми март, вообичаено сфатен како празник, всушност ја означува борбата на жените да уживаат еднаквост и еднакви права. Оваа војна која трае низ годините сè уште не е целосно извојувана, но е постигната голема победа. Сите се согласуваме дека на жените не им треба посебен ден за да се чувствуваат посебно затоа што се посебни секој ден. Сепак, на овој историски датум, и по 110 години, жените/девојките мора да ја продолжат својата борба за еднаквост на работното место, во образованието, во креирањето политики, против патријархатот и сите неправди што им се прават секој ден… затоа што се жени или девојки, потенцираат од страна на Центарот за Човекови права – Тетово.
Во кампањата претставени се Арта Селмани Бакиу, универзитетски професор и продекан, Верица Тимосиеска, адвокат, Фатмире Исаку, заменик министер во Министерството за надворешни работи, Ива Матиќ, пилот на комерцијални летови, Агнеса Беџети, одбојкарка и студентка, Сема Халили, психолог, Душанка Мерџаноска, судија и Валбона Ѓонбалај, докторка-гинеколог акушер
Понатаму додаваат дека одлуката да се изберат осум жени била тешка бидејќи во нашето општество има многу жени кои работат со голема посветеност, но поради симболиката избрале осум жени и девојки кои со својата работа и посветеност дале непобитен придонес.
ас
