Четиринаесетгодишно дете од тетовска Брвеница вчера во 22 и 55 минути во СВР Тетово пријавил дека во близина на семејната куќа бил каснат од куче, сопственост на друг жител на селото. По пријавување на случајот, полицијата презема мерки и активности за расчистување, соопшти денес СВР Тетово.
Повредите од кучиња и други животни кои имаат сопственици, се предмет на инспекциска контрола од страна на Агенцијата за храна и ветеринарство. Доколку граѓанин е каснат или изгребан од куче или мачка, а животното е со познат сопственик може да го пријави на надлежен официјален ветеринар во општината каде се случило каснувањето.
-Во 2020 година, официјалните ветеринари на Агенцијата за храна и ветеринарство на територијата на цела држава, спроведоа вкупно 30 инспекциски контроли за за кои има пријави на каснување од куче кое има сопственик (домашен миленик). Од почетокот на годинава, спроведени се вкупно 5 инспекциски контроли по истиот основ, од кои во јануари – 2 и во месец 3 контроли, информираат од Агеницијата за храна и ветеринарство.
На интернет страницата на Агенција има листа на официјални ветеринари надлежни за општините.
А.С
