Спортски натпревари се предвидени да се одржат во рамки на манифестацијата „Лето на тетовската култра“ од вечерва до сабота. Публиката во Тетово на градскиот плоштад ќе има можност да проследи натпревари во кик-бокс, шах и во бокс.
-Денес, четврток од 20 часот се предвидени шест дуели во кик-бокс во ринг поставен на отворено на градскиот плоштад во Тетово. Овие дуели ги организира кик бокс клубот „Шари“ од Тетово. Во петок од 20:00 часот спроти плоштадот пред платото на Центарот за култура шаховскиот клуб „Анпасан“ од Тетово организира групен шаховски натпревар, соопштуваат од општина Тетово.
Во сабота прогрмата е насловена „Вечер на шампионите“ во која ќе се одржат шест натпревари во професионален бокс во категорија ГБА (German Boxing Association). Напреварите во ринг поставен на плоштадот од 20 часот ги организира бокс клуб „Шкендија“ од Тетово
