СВР Тетово поднесе кривична пријава против А.К.(33) од с.Требош, тетовско, поради постоење основи на сомнение за сторено кривично дело „уцена“, информира денес Министерството за внатрешни работи.
Пријавениот во текот на 2020, во повеќе наврати, на девојка од Тетово ѝ упатувал закани дека ќе објави работи за неа доколку не му исплатела одредена сума пари, информира денес Министерството за внатрешни работи.
Пријавениот на 24.03.2020 отишол во куќата на оштетената, каде од неа и нејзиниот татко барал да му дадат пари, а при тоа со себе носел и пиштол, информира денес Министерството за внатрешни работи.
На 25.03.2020 од полициски службеници бил извршен претрес во домот на пријавениот во с.Требош, тетовско, при што во дворот на куќата, во паркирано патничко возило „поло“, сопственост на неговата сопруга, под возачкото седиште бил пронајден и одземен пиштол марка „хартфорд“.
