Со прва колективна изложба ќе се претстават членовите на ново формираното здружение на уметници „Apicem Oaneum“ од Тетово. Изложбата ќе биде отворена утре, петок 2 август со почеток во 20 часот во просториите на националната установа „Уметничка Галерија Тетово“.
-Ликовната изложба ќе биде испреплетена со програма со класична музика во изведба на квартетот Apicem Oaneum. По официјалното отворање на изложбата во Уметничката Галерија ве покануваме да ни се придружите на мал коктел во просториите на здружението Apicem.Со тоа сите заедно да прославиме за отворањето на новото ликовно катче во Тетово, од каде веруваме ќе произлезат бројни ликовни дела, информираат од здружението.
Просториите на здружението Apicem Oaneum се наоѓаат во занаетчискиот комплекс „Ловец“ на кат.
