Во крајно неизвесен натпревар во рамки на седмото коло од Втората лига запад, кошаркарите на Тетекс ТТК го изгубија дуелот со ГКК Охрид со 69-68 во последните секунди од дуелот. Тие со слободно фрлање го постигнаа конечниот резултат, а иако имаше напад, Тетекс не поентираше.
-Се одигра еден многу неизвесен натпревар, во кој двете екипи имаа свои шанси за победа и на крај екипата на Охрид имаше повеќе среќа да дојде до двата бода. Во нашите екипа со двоцифрен број поени беа Вапски со 23 коша, Костовски со 19 и Ценовски со 14 поени, изјави тренерот Димитрија Вучески.
Следното осмо коло наредна сабота на домашен терен во Тетово, Тетекс ТТК го пречекува Пелистер Медика Карта.
