Празникот Свети Наум Охридски Чудотворец беше прославен во истоимениот манастирски комплекс на Попова Шапка. Се отслужи архиерејска литургија, беа прережани славски колачи и подготвен празничен ручек за сите присутни верници.
-Неговото високопреосвештенство, Митрополитот Тетовско-гостиварски г. Јосиф, богослужеше -Света Златоустова литургија во манастирот „Св. Наум Охридски“ на Попова Шапка, во сослужение на свештеници од Тетовското архиерејско намесништво и Бигорскиот манастир. На литургијата верниот народ се причести со Светите Христови Тајни. Пееше хорот „Менада“ од Тетово под раководство на маестро Ивица Зориќ. По литургијата беа благословени кумските лебови, информираа од тетовско-гостиварската епархија.
На празнувањето присуствуваа претседателот на техничката Влада, Оливер Спасовски, претседателот на ВМРО ДПМНЕ Христијан Мицкоски, пратеници и други функционери.
А.С
