По повод денот на ромскиот јазик 5 ноември пригодна прес-конференција во Тетово одржа Самка Ибраимовски, претседател на Партијата за целосна еманципација на Ромите (ПЦЕР) на која го истакна значењето за заедницата на неодамна издадените македонско-ромски речник и граматиката на современиот ромски јазик.
-Сметам дека важен денешниот ден, јазикот е жива материја која се надополнува и ние тоа го направивме благодарејќи на Владата. Речникот и граматиката се направени со средства одвоени од во време на мојата функција на министерот без ресор, и денес поради Ковид19 го одбележуваме деност само со прес конференција. Владата да не заборави на Ромите како една заедница која е позаостаната да може да имплементира учење од прво до четврто одделение, истакна Самка Ибраимовски, претседател на ПЦЕР.
Македонско-ромскиот речник кој има 800 страници како граматиката на современиот ромски според Ибраимовски ќе бидат поделени и во училиштата.
-Големо значење имаат двете изданија особено за оние кои не знаат добро да зборуваат или парцијално зборуваат. Има Ромите кои зборуваат македонски, турски, албански. Овој речник ќе им помогне да комуницираат, истакна Самка Ибраимовски.
Издадени се 1000 примероци на македонско-ромски речник и 800 примероци на Граматиката на современиот ромски јазик.
А.С
