Во Центарот за вработување во Тетово министерот за економија Крешник Бектеши и директорот на Агенцијата за вработување Беким Мурати ги врачија договорите на дел од одобрените апликанти во регионот кои ќе добијат грантови во рамките на Оперативниот план за вработување. Грантови во рамки на мерките „Субвенционирање на плати“ и „Вработување и раст на правни субјекти“ добија над 100 апликанти од тетовскиот регион за 2022 година.
Директорот Мурати посочи дека интересот за овие мерки е се поголем и дека Агенцијата ќе се потруди согласно Оперативниот план да обезбеди повеќе средства за невработени лица
-Нашата интенција е 15 илјади невработени да бидат вклучени во сите овие активни мерки кои ги нуди агенцијата за вработување. Ние не застануваме тука нашата интенција е наредната година за 2023 со тој оперативен план да бидат вклучени повеќе од 20 илјади. Имајќи предвиде дека голем број граѓани се заинтересирани да видат вклучени очигледно е дека нас ни требаат уште повеќе средства за Оператривен план и во тој дел да обезбедиме повеќе средства за невработени лица и за во делот на самовработување и во делот субвенционирање на плати и во делот на различни обуки, изјави Беким Мурати.
Претходната година 12 илјади граѓани ги користеа овие мерки и беа вклучени на пазарот на труд, користејќи од 5 илјади до 10 илјади евра, за да се почне одреден бизнис.
-Согласно анализите сите тие кои ги користеле овие мерки претходните години веќе се само развиваат, креираат нови работни места што е додадена вредност. Како држава и како Влада се соочуваме со една од најважните одлуки за започнување на преговори со ЕУ, и ако направиме компаративна анализа, тие што членки на ЕУ или ги отвориле преговорите само од фондовите на ЕУ согласно поглавјата кои отвораат, а имаат детални поглавја кои зборуваат за самовработување,за конкуретност за претприемништво. Речиси над 60 посто од средствата кои се предвидуваат за оперативен план се кофинансираат од ЕУ. Ако ние имаме 37 милиони евра кои се делат од страна на буџетот и покриваме околу 15 илјади нашите сограѓани за да се вклучат во пазарот на труд, а дополнително и младите луѓе да отворат нови бизниси, може да замислите колку тоа би било ако почнат преговорите со ЕУ , посебно младите кои имаат идеи, изјави министерот Крешник Бектеши.
Во Агенцијата како невработени се водат 120 илјади активни баратели на работа од кои речиси 15 илјади во тетовскиот регион.
ас
