Пописен реон 32 каде се опфатени населените места при општините Тетово и Боговиње е најголемиот пописен реон во полошкиот регион со вкупно 300 пописни кругови за кои е предвидено пописот да го спроведат 242 попишувачи. Нивната работа при пописот на населението и домаќинствата ќе ја контролираат 24 реонски инструктори.
-Во зградата на Општина Тетово во тек се обуки и инструкции од овластени лица од Државен завод за статистика за реонските инструктори. За попишувачите се чека конечна одлука за нивен избор кои исто така треба да стигнат од Заводот. Имаше два конкурси, бидејќи иако на првиот се јавија 366 кандидати сите не дојдоа на тестирање. Потоа се распиша уште еден конкурс за 110 попишувачи кои исто така поминаа тестирање, изјави Славица Серафимовска, претседателка на реонската пописна комисија.
Од 242 попишувачи, 182 се Албанци, 49 Македонци, шест се Турци и пет се Роми. Од 24 пописни инструктори 17 се Албанци, пет се Македонци и по еден од Ром и Турчин.
Во пописен реон 33 се опфатени населените места од општините Теарце и Јегуновце, додека во пописен реон 34 се населени места од општините Желино и Брвеница.
А.С
