Националната установа „Библиотека Кочо Рацин“ од Тетово со пофалници и подароци награди 14 читатели кои годинава биле најредовни меѓу сите членови. Поради пандемијата не беше одржана манифестација, а наградените поединично биле повикувани.
-Наградени се 14 најредовни читатели, осум од одделот за возрасни и шест од детскиот оддел. Добија книги, чанти, капи и чаши со лого на библиотеката како и пофалници. Споед евиденцијата имаме читателка која позајмила дури 42 книги за цела година, иако од март до јуни не работеше библиотеката, информираше Њомза Имери Исмаили, директорка на библиотека „Кочо Рацин“ од Тетово.
Библиотеката иако не работеше четири месеци годинава поради пандемијата сепак бележи зголемување на бројот читателите и на позајмени книги.
-Тоа што на некој начин граѓаните поради пандемијата повеќе седеа дома, го искористиле за повеќе читање. Во периодот после јуни читателите надокнадија со позајмување на книги, вели директорката.
Библиотеката го продолжи и членството на сите членови за тие 4 месеци .
А.С
