Изгоре возило во кое започнал пожар во моторот додека било во движење вечерва на регионалниот пат Тетово-Јажинце на делот кај селото Одри. За среќа нема повредени лица.
-Нема повредени меѓу патниците и меѓу пожарникарите. Ние бевме со едно возило и 4 пожарникари. Во овој случај беше добро што успеавме да го локализираме огнот и на тој начин не се прошири. Далечината од над 20 километри беше најголема пречка за евентуална побрза интервенција. Затоа е потребно она што апелираме во руралните општини да има барем пожарникарски единици за брза и почетна интервенција, информира Ука Алити, командант на тетовските пожарникари.
Според тетовската пожарникарска единица оган го зафатило возилото околу 18 часот и 30 минути кога добиле пријава по телефон.
А.С
