За пет часа во текот на вчерашната локална сообраќајно контролна акцијка на 106 возила возачите сами ги отстраниле фолиите, додека 8 не го сториле тоа и ќе се соочат со соодветни законски предвидени санкции, информира денес СВР Тетово. Акцијата е спроведена вчера од 10 до 15 часот на тетовското подрачје.
-Сите прекршители законски сe санкционирани со исклучување од сообраќај и со изготвување на поднесоци, зависно од видот и карактерот на констатираните прекршоци, истакна Марјан Јосифоски, портпарол на СВР Тетово.
При контролата, исто така, откриени се 5 возила со истечена регистрација, исто толку лица ги управувале возилата без положен возачки испит, 2 возачи користеле мобилен телефон, 6 возила биле непрописно паркирани и други видови прекршоци.
Затемнетите стакла со фолии на возилата не поминуваат на технички преглед, а како прекршок се казнува со 300 евра. Во член 20 од Правилник за уреди и опрема и нормална каде е потенцирано колкава треба да биде видливоста на стаклата.Видливовста на ветробранското стакло (шофершајбна) треба да биде 75 проценти, а на страничните бочни стакла кај возачот и совозачот видливоста 70 проценти, велат од станицата технички преглед Автостар плус од Тетово.
Од таму велат дека поради ваквиот „тренд“ имаат чести недоразбирања кога им велат на сопствениците на возилата дека не може во таква состојба возилото да добие одобрение за техничка исправност.
-Законските одредби се јасни и не дозволуваат поставување фолии за затемнување. Од друга страна постојано доаѓаат луѓе со затемнети стакла на возачкото и совозачкото стакло па дури и на ветробранското стакло (шофершајбна). Така доаѓаме во конфликт, но мора да се знае дека за помине едно возило на технички преглед стаклата не треба да бидат целосно затемнети, односно треба да ја имаат соодветната видливост, велат од станицата технички преглед Автостар плус од Тетово.
А.С
