Тетовската полиција информира дека ќе поднесе соодветен поднесок за 32 годишник од Желино кој на социјалните мрежи објавил како поминува на патарина без да плати билет покажувајќи одредена легитимација. Видео-клипот беше објавен на 15 јануари годинава на социјалната мрежа „Тик-ток“
-Станува збор за М.З. (32) од тетовско Желино и со него вчера (19.01.2021) е извршен службен разговор во полициска станица, а по целосно документирање на случајот, ќе му биде изготвен соодветен поднесок. М.З. не е вработен во Министерството за внатрешни работи на Република Северна Македонија, како што беше објавено во дел од медиумите, информира Марјан Јосифоски, портпарол на СВР Тетово.
Жителот на Желино наплатна станица ја минувал со возило „мерцедес“ со гостиварски регистарски ознаки.
А.С
