Секторот за внатрешни работи Тетово продолжува со засилени сообраќајно-контролни активности за поголем ред и безбедност со застанувањето и паркирањето во Тетово.
Вчера (11 февруари) биле откриени и со писмено предупредување санкционирани 18 возачи кои непрописно застанувале и погрешно ги паркирале возилата.
При ваквите активности во наредниот период посебно внимание ќе му биде посветено на тоа -дали и колку од возачите ги користат 40-те наменски определените постојки и свртувалишта во градот од тетовската локална самоуправа и каде и како ги паркираат возилата, во функција на надминување на тековните сообраќајни мешаници, посебно во централното подрачје, соопшти СВР Тетово.
